More from Miir :)

Color Record No. 45, Side A:

and an Urdu Ghazal again  J

Khvaah mujh se laR gayaa ab Khvaah mujh se mil gayaa

kyaa kahuuN ai ham nishiiN maiN tujh se Haasil dil gayaa

apne hii dil ko nah ho vaashud to kyaa Haasil nasiim

go chaman meN Ghunchah-e pazhmurda tujh se khil gayaa

dil se aaNkhoN meN lahuu aataa hai shaayad raat ko

kash ma kash meN be qaraarii kii yih phoRaa chhil gayaa

qais kaa kyaa kyaa gayaa uudhar dil o diiN hosh o sabr

jis taraf saHraa se lailaa kaa chalaa maHmil gayaa

rashk kii jaagah hai marg us kushtah-e Hasrat ki :Miir:

na’ash ke hamraah jis kii gor tak qaatil gayaa