Politische Lieder

Walther von der Vogelweide schrieb - neben Minneliedern - auch noch ueber die Politik.  Mich interessiert in 1. Linie die Liebeslyrik, doch fuer Walther von der Vogelweide kann ich doch eine Ausnahme machen und ein paar politische Lieder posten:
_______________________________

Ich hôrte diu wazzer diezen

Von Walther von der Vogelweide

Ich hôrte diu wazzer diezen

und sach die vische fliezen.

ich sach swaz in der werlte was,

walt velt loup rôr unde gras.

swaz fliuzet oder fliuget

oder bein zer erde biuget,

daz sach ich, unde sage iu daz:

deheinez lebet âne haz.

daz wilt und daz gewürme

die strîtent starke stürme,

alsô tuont die vogel under in,

wan daz si habent einen sin,

si wæren anders ze nihte:

si schaffent guot gerihte.

sie setzent künige und reht,

und schaffent hêrren unde kneht.

sô wê dir, tiutschiu zunge,

wie stât dîn ordenunge!

daz nu diu mugge ir künic hât,

und daz dîn êre alsô zergât.

bekêrâ dich, bekêre!

die cirkel sint ze hêre,

die armen künige dringend dich:

Philippe setze den weisen ûf

und heiz si treten hinder sich!