Herzeliebez frouwelin :)

Heute wieder ein beruehmtes Minnelied  :)  Obschon wir auch schon wieder Hausaufgaben haben  :(
________________________________________

Herzeliebez Frouwelin

Von Walther von der Vogelweide

Herzeliebez frouwelin,

got gebe dir hiute und iemer guot!

Kund ich baz gedenken din,

des hete ich willeclichen muot.

Waz mac ich dir sagen me,

wan daz dir nieman holder ist? owe da von ist mir vil we.

Sie verwizent mir daz ich

so nidere wende minen sanc.

Daz si niht versinnent sich

waz liebe si, des haben undanc!

Sie getraf diu liebe nie.

die nach dem guote und nach der schoene minnent, we wie minnent die?

Bi der schoene ist dicke haz,

zer schoene niemen si ze gach.

Liebe tuot dem herzen baz,

der liebe get diu schoene nach.

Liebe machet schoene wip.

desn mac diu schoene niht getuon, sin machet niemer lieben lip.

Ich vertrage als ich vertruoc

und als ich iemer wil vertragen.

Du bist schoene und has genuoc,

waz mugen si mir da von gesagen?

Swaz si sagen, ich bin dir holt.

und nim din glesin vingerlin für einer küneginne golt.

Hast du triuwe und staetekeit,

so bin ich din ane angest gar

daz mir iemer herzeleit

mit dinem willen wider var.

Hast ab du der zweier niht,

so müezest du min niemer werden. owe danne, ob daz geschiht.